ПРЕГЛАШЕНЄ АПОСТОЛСКОГО ЕҐЗАРХАТУ

Руснаци, котри ше пред 250 роками приселєли до Бачкей, пришли ту як грекокатолїци, припаднїки Мукачевского владичевства. Кед 1750/51. року основана парохия y Руским Керестуре, Руснаци грекокатолїки y Бачкей припадли Калочскому римокатолїцкому владичеству. A кед 1777. року основане грекокатолїцке Крижевске владичество, грекокатолїки y Бачкей постали його конститутивна часц. У Другей шветовей войни, y чаше мадярскей окупациї Бачкей, з ришеньом Апостолского Римского Пристолу, од 5. юлия 1941. року до 3. януара 1946. року, грекокатолїки y Бачкей були окремни еґзархат, або як ше то теди волало – Апостолска администратура. Апостолски администратор тей администратури бул калочски римокатолїцки надвладика, a його викар рускокерестурски паpох др Йоаким Сегеди. У истим чаше Румунє грекокатолїки y Банаце були окремна Апостолска делеґатура, a апостолски делеґaт бул грекокатолїцки священїк др Бела Pемер. Спомнутого З. януара 1946. року територия дотедишнєй Апостолскей администратури за грекокатолїкох y Бачкей вpацена до рамикох Крижевского владичества.

Дня 21. фебpуара 1946. року основани Бачки викарият Крижевского владичества, на чолє з викаром др Йоакимом Сегедийом, парохом
y Руским Керестуре. A кед 1963. року Йоаким Сегеди постал помоцни владика, тот Бачки викарият преширени на цалу ВОйводину и наволани – Войводянски викарият. И на чолє того викарияту бул владика Йоаким Сегеди. Познєйше викар бул Михайло Макай, парох y Руским Керестуре.
Дня 15. апpила 1978. року Крижевске владичество подзелєне на штири новоосновани викарияти. Потвердзени иснуюци уж Войводянски
викарият, a основани три нови: Жумберацки, Босанско-Славонски и Македонски. Правда, тоти викарияти нїгда нє зажили так як то задумовал
надвладика кир Гавриїл Букатко. У остатнєй децениї ХХ столїтия, пре войну y першей половки тей децениї и ситуацию y повойновим чаше, мед контакти зоз владиком- ординарийом y Загребе, теди уж y другей держави з котру Югославия нє мала добри одношеня, були барз компликовани, дня 26. октобра 1999. року основани Викарият за грекокатолїкох y СР Югославиї. За викара меновани Йоаким Холошняй, парох и протопресвитер y Дюpдьове. Зоз снованьом еґзархату престава дїялносц того викарияту.

На териториї нового еґзархату, a то цала державна заеднїца Сербиї и Чарней Гори, єст 22-25 тисячи грекокатолїкох, котри ше национално вияшнюю як Руснаци, Українци и Румунє, a вироятно же ту и даєдни грекокатолїки зоз Жумберку у Горватскей або зоз Македониї.

МОНАХИ И МОНАХИНЇ

На териториї еґзаркату єден манастир оцох Василиянох — y Кули. Ту и шецзиско Провинциї св. Йосифа чесних шестрох Служебнїцох. Находзи ше y Руским Керестуре. Новицият y Вербаше. Окрем тих двох, шестри Служебиїци маю ище манастири y Коцуре, Дюрдьове, Новим Садзе, Кули и у других варошох и жемох: Мукачево, Ужгород, Усть Чорна (Україна), Загреб (Горватска), Минхен (Нємецка), Рим (Италия) и Лондон (Англия).
У провинциї єст вецей як 50 монахинї. Y Руским Керестуре свой манастир маю и Мали Исусово шестри. Богослове з того еґзархату студираю на богословских факултетох y Риме (Италия), 3arpeбe (Горватска) и Хуре (Швайцарска). У Малей семинариї „Паулинум" y Суботици як ґимназиялци уча ше и школяре з парохийох нашого егзархату. Одпусне паломнїцке место еґзархату було и остава Водица кола Руского Керестура. Церква збудована 1859. року, a як памятнїк култури Републики Сербиї преглашена 1998. року. Шестри Служебнїци каждого року организую духовни вежби за дзеци и младих