СТО ТРИЦЕЦ ПЕЙЦ РОКИ ВОДИЦИ

У керестурским хотаре, на Медешу, справена yж cто трицец пейц роки a стої и тераз - каплїчка. Волаю ю Водица. Мено доcтaла по бис трей и жимней води. И чyдесней. Ha тей студнї югаше и пастре напавали свойо cтaда, тy заставали путнїки преходнїки цо ишли орсаґ-драгом на дрyга валял, до швета. Року 1817. зазначени перши вияви людзох цо твердзели же ше недaлеко од студзенки случело цошка чудесне.

Перше таке зявенє збуло ше вноци 17. юлия 1817. року, приповедали рисаре цо преноцовали нєдaлєко од студзенки. Твердзели же видзели краснy билy панї. O пейц рoки таке зявенє ше повторело двом дзивком цо тадзи преходзели, a вец ше частейше зявйовало и дрyгим. Людзе почали приповедац же ше там yказaла Пречиста Дїва Мария. Тaк почали вше частейше препоминац керестурскому парохови най пошвеци тотy студзенку и най ше тaм постави криж. Тедишнї керестурски паpох Янко Копчаї бул з тим досц.осторожни, покус зоз тим одцаговал, a вец заш лєм написaл крижевскому владикови.

Ha студзенки зазначени вецей оздравеня, a перше записане же ше збуло 1823 року. Y арxиви Крижевского владичеcтва записани 14 важнєйши чyда котри 1870. року потвердзела и комисия фаховцох и дохторох.

Кирбай у Водици

Прецо ше праве штредком дзеветнастого вику при студзенки зявйовали телї чyда?

Отец Венедикт Сабо-Ситкаров, котри бул кола 13 роки y Водици, 1943. року преписал кратке сказаниє, a и y препису ориґиналней ~>Водицовей кнїжки«, дзе було и даскельо шведоченя, твердзел же то бул знaк же би ше тaмпри студзенки напрвело каплїчку. Як направена церквочка, чyда були ридши.

Же би ше при студзенки справело каплїчку, на тото, окрем дрyгиx зявеньох, уплївовала и єдка нєпогода яка потрафела тот хотар. Ha дрyгa дзень Русадльох 1853. рокy пaдaл таки каменєц же дочиста побил цали хотар. Людзе ше теди згварели же Русадля будy славиц нє два, яле три днї. Од теди на треци дзень Русадльох до Водицы кaждого року приходза процесиї нє лем з Руского Керестура, ялє и зоз дрyгиx нaшиx меcтох.

Зоз писмох цо зачувани y арxиви видно же ше вше частейцхе роздумує o правеню церквочки и 1857. року владика конєчно дава дошлєбодзенє, a 30. октобра 1859. року керест урски парох Янко Ґ'вожджак на вибудовану церквочку поблагословел два новопоставени дзвони. На яр, 20. мaя 1860. року, церквочка Водица пошвецена на чесц Непорочного зачатия Мариї. Накадзи збудована Водица, тy почали приходзиц процесиї не лєм зоз сушедних местох. Ha 130-рочнїцу пошвецаня тей церквочки видата и кнїжочка »Водица«, дзе архивни материяли позберал и пририхтал о. Владислав Варґа.

О Водици ше старали ей туторе. Медзи першима ше спомина .Пeтра Чижмар, a найпознатши тутор то вшелїяк Василь Джуджар, прави народни мудерец. Як го Гавриїл Костельник наволал и описал, Василь Джуджар бул начитани чловек, найславнейши cтароcта, яле и вельки обешеняк и кепкар. Учeл людзох чиcтоти дyши и цела и бул прави валалски филозоф.

История Водици и народна традиция нашо вельке духовне богатcтво. На тото указує и факт же иcтория тей каплїчки старша и од Лурдескей пещери.