МИРОН ЖИРОШ Шветлосц 1985 |
Преучованє першого керестурскаго жительства од барз велького значеня. Накадзи дознаме мена и презвиска перших приселєнцох, годни зме одгандуц велї знaчни питаня, котри часто представяю камень шпотаня при утвердзованю нашого националного єства. Тиж вериме же ше вецей годно дознац и o местох зоз кoтpиx ше Русини (Рутени) приселєли на Косцелїско (до Кули), на Селище (локацию илеґалного присельованя) и на концу на терашню локацию Руского Керестура — од часу доставаня контракта o насельованю лустари Вельки Керестyр. Час присельoваня тиж може буц знaчни, бо ше годна спатриц миґрация (присельованє и одсельованє — велька рухомосц, та аж и блуканє), котра на одредзени способ указує о яким ше народзе бешедує нє лєм спрам вири и националносци, алє ше дозна и їх маєткови стан (економски обставини) y чаше насельованя южних крайох Угорскей — конкретно стредней Бачки. Уж терашня документация з котpу розполагаме o присельованю Русинох до Керестура досц богата и вельо є обсяжнєйша од скорейшей з котру розполатали дотерашнї авторе напиcox o опомнутей материї. Розполагаме з вецей жридловима документами, a доступнєйша нам и богатша литература. O присельованю, окрем наших авторох: Ґабра Костельника [1] , Онуфрия Тимка [2] , Якима Сабадоша [3] , Миxала Ковача [4] , др Мафтея Виная [5] , др Федора Лабаша [6] , др Якима Сеґедия [7] , Евґения Джунї [8] , Михала Черняка [9] , Янка Олеяра [10] , Любомира Медєша [11] , Николая Олеяра [12] — писали и Владимир Гнатюк [13] , др Славко Ґаврилович [14] , др Ян Сирацки [15] Ристо Еремич [16] , Ендре Сирмаи [17] и други. Анализованє фактох з котрима розполагаме годно нам дaц цалоснєйшу слику o присельованю Русинох и о їк числу перших двоx деценийох y Вельким Керестуре. У Архиве Войводини y Сримских Карловцох нєдавно зме лренашли два пописи керестурсколо жительства. Перши представя попис за 1753. рок и ноши назву ,,Ново населєни маєтак Вельки Керестур" [18] и други представя попис за 1756/7. рок и ма нaзвy „Камерални маєток Керестур" [19] Tоти обидва списки барз драгоцини за спатранє нашей прешлосци. Вони, правда, нє даваю комплетни одвити на дзепоєдни питаня з нашей прешлосци, алє, як увидзиме, нєясносци досц пояшнюю, a тиж творя и нови дилeми o насельованю.
НОВОНАСЕЛЄНИ МАЄТОК ВЕЛЬКИ КЕРЕСТУР (1753) (Neo impopulata Possessio Nady Kerestur, 1753)
<далєй> [1] Ґ. Костельник: Значенє Керестура, Руски календар за 1925. рок, бок 58-72. [2] О. Тимко: Насељеници Руског Крстурa и Куцуре, Зборник друштвених наука МС, 6p. 50, 1968. год., 129-142. a) История українских миґрацийох до югoславянских крайох, y рукопису. [3] Я. Сабадош: Походзенє и приход Руснацох до Бачкей, Шветлосц, 1954, бок 193-205, 269-280. a) Порекло и досељавање Бачко-сремских Русина, y рукопису. [4] М. Ковач: Рушме уж раз тот проблем отворено и темельно, Шветлосц 1954, число IV, бок 281-287. [5] Др М. Винай: Кратки прегляд иcториї Русинох y Бачкей и Сриме, Руски народни календар за. 1947 рок, бок 33-45. [6] Др Ф. Лабош: История Русинох Бачкей, Сриму и Славониї 1748-1918. Вуковар 1979. року. [7] Др Я. Сеґеди: У краю своїх предкох, Християнский календар за 1977. рок, бок 35-117. [8] Е. Джуня. 0 досељaвању првих Русина y Војводину и њиховом животу, Ґодишњак Историjскоґ друштва Војводине, 1952. c. 47-53. [9] М. Черняк: Кратка сторія Русинох (Руснацох), Руски календар за 1921. рок, бок 12-22. [10] Я. Олеяр: Моноґрафия Руского Керестура, Нова думка, Вуковар, 1982-1985, число 34-47. [11] Л. Медєши: Число руского жительства y Войводини, Народни календа.р 1983, бок 43-55. [12] Н. Олеяров: История русского народа, Н. Сад, шт. Нaтошевић, 1934, бок 158. [13] В. Гнaтюк: Рускi оcелi в Бачцi. Запис Наукового Товариства ім. Шевченка, т. ХХІІ, к. 2, Львiв 1898. [14] Др C. Ґавриловић: Русини y Бачкој и Сpемy од средние ХVІІІ до средние ХІХ века, Из историје војвођанских Русина, Сепарат из Ґодишњака Друштва историчара Војводине за 1977. год. H. Сад 1977. [15] Ј. Сирацки: Словаци у Југoславији, Зборник др. наука МС, 6. 44, c. 5-22. [16] Р. Јеремић: Бачки Руси (Рушнаци, Русини), Прилози Летопису МС, 1, 2, 1928. ст. 49-67. [17] Е. Sziгmai: A bacsliai Ruszinok, Szeged, 1944, 1, [18] Архив Војводине у Сремским Kaрловцимa, Шмитова збирка, Conscripuo 1ocorum... 1753, IX/12. [19] Исте... 1756/57, Х/17.
|
