ЛЕҐИНЬСКИ БИТКИ У КЕРЕСТУРЕ

Леgин з предвойнових часох ше обачлїво розликовали од ншкайших. Була теди якаш нєнависц медзи нїма, a виказовaла ше на велї способи, найвецей през битки. Ридко ше трафела нєдзеля же 6и ше дагдзе y карчми або индзей нє побили медзи собу. На другу нєдзелю ше глєдало способ »врациц длуство«. И, так то ишло до безконєчносци. Док були ище y школи, дзеци тото нє виказовaли медзи собу, длє аж як леґинє. Випатра же ше тото нєцерпенє, чи як 6и го наволац, преношело лєм y леґиньских часох . Медзитим, то преcгавaло кед ше хлапци поприcтaновяли и вошли до озбильних коляйох каждодньового живота.

Так Керестур бул подзелєни на штири кварти. Велькошорци и Новошорци були вєдно, ходзели до карчми y Надьордї. Курташорци ходзели до карчми y Шантанї, a Буджачане до карчми y Повловича або Паньского. циґлашорци и Збегньовчанє були вєдно y Осифковeй карчми на Циґлашоре.

Спрам того дзелєня, кажди »реон« мал право пойсц внєдзелю на танец лєм до своей карчми. Кед же пошол до люцкей карчми, звичайно приходзело до битки. У шицким тим Велькошорци ше нaйбаржей складали зоз Курташорцами и медзи нїма було найменєй битки.

Було прето и бриґи, 6o кед ше хлапцови спачела дзивка зоз цудзого району то уж було опасне , одпровадзиц ю дому после танцу було ризкантне. Кед нє инше вец бул бити, бо »чом ше циска до їх краю «. до дзивки могол пойсц безпечнейше лєм воднє.

— Женїц ше з млоду з другого краю, то треба же би це оцец и мац водзели до нєй — гварел нам Ґабор Канюх. — Пaметам же ше наш єден женєл з дзивку з Буджаку. И кед пришла розберанка, a знаце як то бул y нас о6ичай, тот нє шмел пойсц зоз хлапцами на розберанку. Поволaл свою родзину, бачикох, шовґрох, сушеди, та гайд. Двоме cтарши напредок, a други за леґинями зоз палїцами одпровaдзели хлапцох до млодей, a потим цали вечар дежурали попод облаки же 6и нє пришло до битки.

Аж и теди, кед ше вжиме хлапци и дзивчата внєдзелюі санкали по валале, прейсц на сaнкох коло другей ґаздинї було опасне. Тамтейши хлапци нє лєм же их оруцовали зоз шнїгом, алє до нїх руцали и палїци, колїки, та приходзело до калїченьох. Алє, хлапци заш лєм тамаль ишли же би ше приказали, же ше неє боя.

Дакеди до биткох приxодзело лєм пре хлапцовски гири, же би ше били. Так, поведзме, кец y єдней ґаздинї дахто мал »оcтатню« то знали з дрyгей карчми присц хлапци aле лєм прeто же би ше били.

Битки ше одвивали и воднє. Так раз, на Крачун, пред Паньского була велька битка медзи хлапцами, та людзе хтори ишли до вечурнї одбеґли до полициї же 6и пришли хлапцох розлучиц.

•  A потим цо було?

•  Га, дaкого одведли до полициї, та му там дали два-три, або ютредзень мал присц там древа рyбац, та заш нїч, a на нєдзелю знова по старим.